2010-04-29
Soraluzeko EAJ-PNVk aldizkaria banatuko du
Aurrekontuak eta Markel Olano Diputatu Nagusiari elkarrizketa dira aldizkariaren muina.
"EAJrekin Udal-lanean, Soraluze hobeto". Hala dio Soraluzeko EAJ-PNVk kaleratu behar duen Zurekin aldizkaria. Egun batzuk barru etxe guztietara banatuko dute. Bertan, 2010eko aurrekontuan hartu duten jarreraren azalpena ematen dute, hainbat datu aipatzen dituztelarik.
Bestalde, Markel Olano Diputatu Nagusia elkarrizketatu dute Gipuzkoaren gaurkotasuna ezagutzeko asmoz. Olanok Debabarrenaren inguruan hitz egiten du elkarrizketan, eta egoera politikoari buruz ere aritzen da. Gipuzkoako Foru Aldundia garatzen ari den Kultura Politiko Berriaren inguruan informazioa eskuratzeko aukera ere emango du aldizkariak.
