2010-06-08
EAJ-PNVk proposatu du, herrian burutuko diren proiektuak udal web gunean sar daitezen.
Jeltzaleen esanetan, helburua administrazio publikoa herritarrei hurbiltzea da.
Soraluzeko EAJ-PNVren Udal taldeak hirigintzako batzordean ondorengo proposamena egin du: Soraluzeko udalak daukan web gunean, herrian martxan ipiniko diren proiektuak jartzea. Zinegotzi jeltzaleen ustez, proposamenaren helburua soraluzetarrek herrian burutuko diren proiektuen berri izatea da. Horrenbestez, udal gunean proiektuen memoria, planoak, argazkiak eta hauek daukaten aurrekontuaren berri emango litzateke.
Ildo berean, alderdi jeltzaleko zinegotzien aburuz, teknologia berrien bidez administrazio publikoa herritarrengan hurbilduko litzateke; hartara, herritarrek proposamenak eta iradokizunak egin edota sortzen zaizkien zalatzak galdetu ahalko lukete. EAJ-PNVren udal taldeak udal gobernuak proposamena aintzat hartzea espero du.
